疫夏好去處 (二)

雖然唔算係啲咩嘢好貼士，但都想分享介紹下畀大家。喺疫情之下，好多遊樂室、遊樂場都冇開門， 尤其早排落雨的日子，bb悶喺屋企真係好辛苦， 一來擔心佢哋冇得接觸新事物，另一方面喺屋企活動空間有限、他們精力充沛，無放電真是不肯瞓覺 ， 咁嘅前提下 ，<<玩具反斗城>>就係一個非常好嘅去處。

有爸爸媽媽可能會好擔心，見到咁多玩具，個個禮拜都破費實好唔掂。但我哋就係採取另一個方法，去培養小朋友耐性和期待的心。比如玩具反斗城有好多(尤其 Vtech 那些)益智玩具都是打開讓消費者試玩，有發聲、有閃燈等的模式，對一至三歲的小朋友來說，真的已經非常吸引； 加上有好多不同種類的模型比如動物、恐龍、各類汽車、交通工具等，非常多題材去教育小朋友。他們亦會觀看其他小朋友如何探索，去模仿學習， 每次去反斗城，真是磨半個鐘、一個鐘也不成問題。

然而，最要我們也會好好教育他們，每一件也只能玩一會，就算幾鍾意都好，都只能夠同佢講，要等下一星期再來玩過。久而久之他們就會習慣同玩具 say good bye，不會嚷著要把玩具帶回家。 某程度上這真是最黑人憎的window shopping模式， 但冇辦法吧，打開門做生意，幫他們增添人氣都算貢獻咗，而且我地有時都真係會為免費泊車，幫襯買少少野呢。

特別注意事項：

1. 帶備濕紙巾、消毒噴噴保持安全衛生；
2. 要小朋友放棄樣買玩具，最重要是帶他看其他嘢，不要和他糾纏發脾氣；
3. 如果可以就中午飯後就可以前往，趁玩具未畀人玩到咁污糟。