由疫夏寫到疫秋，疫情都未完，真係好替呢段時間成長既 BB 擔心。咁既大環境下，湊住小朋友、又要返工，要好有恆心保持住同大家分享下去邊玩，真係唔容易；慶幸早前也有朋友鼓勵，話我地之前既分享好有共鳴，孖寶媽都的起心肝，寫寫野分享下呢個年代，又有邊度可以帶成長刺激比小朋友啦。
我諗大家讀書、拍拖、後生時，總會踩過大圍去大尾篤路線，但到有左小朋友之後，呢個路程，當然係不可能的任務吧。退而求其次，短短地，周末踩一轉大尾督大霸，吹吹風消消悶，都係一個好選擇。
呢個行程，豐富相當多學習原素。畢竟疫情下，BB 多數學字、認字都只能睇書，無實物、無郁動、無質感、無立體，真係好影響認知發展。出出戶外，能看到各類會活動的單車、小狗、海風、帆船、風帆、滑水、風箏、陽光、音樂、花草、怕羞草、BBQ等等，可以一個行程比 BB 體驗晒，加埋出身大汗，真係很不錯的。
去大尾督踩單車，一般星期六日都會比較人多，雖則而家都只會係香港人為主，但人太多、風箏多，都不太合適，所以要去得大尾督，大家必需要記住一個重點：早、早、早、早、早!
孖寶一般大尾督單車行程：
- 7:00am 起床；
- 7:00am – 8:00am 換片片、食早餐、痾 poopoo、換衫；姐姐煮BB 午餐食物；
- 8:00am 必需出發；
- 9:00am 到步、泊車；
- 9:45am 揀好車，準備好裝備，出發；
- 9:45am-10:30am 由大尾督開單車上堤壩，推車，踩往對岸；
- 10:30am-11:00am 落地，亂跑、影相、吹波波、食餅餅；
- 11:00-11:45am 回程，踩回大尾督那邊；
- 11:45-12:00pm 還車去食晏；
- 下午活動：去附近BBQ 農莊，BB 換片、食晏晝，然後訓晏覺，咁爸爸媽媽就可以拍拖燒野食 1個鐘咁大把啦!!!
- 3:00pm 左右回程
特別貼士、注意事項：
- 無論現在天氣多涼快，都必需搽好 BB 防曬，仲要唔可以只搽一次，要不停補；
- 帶備一條kangeroo belt，可將 BB 綁喺家庭式單車既前座；
- 淡水湖大霸有好多減速壆，越過時必要減速，孖寶試過成個下巴撞落家庭車前面條鐵，喊到滑水既人都聽到；
- 揸車既盡早去，通常一早車場已好滿，但有鬼鼠位可泊，有需要PM我地
- 有後續活動就不能懶，要帶備 BB 車，BB 攰可以訓覺；
- 可帶小玩具、吹波波，增添樂趣；
- 有姐姐帶埋姐姐，上落大霸條斜路要推車，多個人幫手更好；
- 大霸對岸得個旱廁，無水洗手，需要去廁所，喺上大霸前右手邊支路 50m左右有靚公廁；
- 如喺大霸對岸要比小零食 bb (通常都要)，記緊帶備洗手水；
- 大霸長約 2km，大個啲既 BB 自己踩3輪車未必能應付來回全程，爸爸要預備推車或抱B，所以如走不完，不要勉強，中途調頭為上策。
講解大概係咁多先，有問題歡迎聯絡版主再問我地，明天星期日，套用孖寶出發前必定會大叫既一句：Gooooooo!!!!!
你必須 登入 才能發表評論。