UV 消毒機 FAQ 詳盡解答妳對使用UV 消毒機消毒奶樽既疑問：
1. UV 消毒奶樽會唔會殘留毒害喺樽身？
不會，UV 係光線唔係花曬水，熄燈就無，唔會殘留。
2. UV 點殺菌？
UV 會整斷生物細胞、細菌、病毒既 DNA, DNA 斷左個細胞會壞會死。我地曬太陽一陣會曬傷皮膚就係比UV 曬死左部分細胞，同比滾水陸死細胞起水泡結果一樣。醫學biotech 化驗室無菌間，都係靠 UV 燈射幾分鐘就可以開工做野。
3. UV 消毒櫃殺菌唔撤底？
睇你點放啲樽，你一層疊一層，或者用不銹鋼奶樽再關好嚟放入UV 機，就好似喺沙灘開沙灘遮咁遮住啲 UV 光，UV 曬唔到既地方，射唔斷細菌既DNA, 的確唔撤底。咁 Haenim 盡可能做到高效高效係靠加多支UV 光管，加埋内煱6個面都係反射鏡，做到matrix 咁，盡量反射 UV 去每個死位射死啲菌。(好坦白，菌死左，但佢既 remains 仲係喺度既；但點計都比烚完奶樽黐返空氣中細菌上surface 好)
4. UV 會損害奶樽啲膠？
理論上及格既膠奶樽化學狀態好穩定，UV 無咩可能刺激佢發生重大化學反應。不過用得耐，膠點都會老化會黃；你試下放奶樽喺太陽底曬半年？佢仲保持到新既一樣既話，跪求你介紹果個牌子比我買 plssss
5. 有咩奶樽唔可以放 UV機？
Latex 黃色乳膠咀，真係會溶會爛；透明矽膠可以。
希望以上FAQ 幫到大家。
圖片出處：Wikipedia co. NASA
